Либанскиот Парламент го избра армискиот началник Џозеф Аун за нов претседател на земјата

АНКАРА (АА) - Либанскиот Парламент го избра началникот на Армијата, Џозеф Аун, за претседател на земјата, ставајќи крај на двегодишниот политички вакуум во земјата, јавува Анадолу.

Аун освои 99 гласа за време на вториот круг на гласање во 128-члениот Парламент, извести репортерот на Анадолу.

Првиот круг на гласање беше неуспешен во изборот на претседател откако Аун обезбеди само 71 глас, додека 37 пратеници дадоа празни ливчиња.

На кандидатот му се потребни две третини од гласовите, или 86 пратеници, за да ја помине првата фаза.

Потребно е апсолутно мнозинство во следните кругови.

На парламентарната седница денес присуствуваа неколку странски дипломати, вклучително и францускиот специјален пратеник Жан-Ив Ле Дријан и амбасадорите на Комитетот на Квинт (Египет, Франција, САД, Катар и Саудиска Арабија), кои го следеа прашањето за празното претседателско место во Либан.

Претседателското место беше празно повеќе од две години од заминувањето на Мишел Аун во 2022 година, за кое време политиката и безбедноста на Либан беа значително погодени од ескалацијата на конфликот со Израел.

Според либанскиот Устав, претседателот мора да биде маронитски христијанин, премиерот сунитски муслиман, а претседателот на Парламентот шиитски муслиман.