Либија: Со вооружено беспилотно летало на ОАЕ нападнати цивилни населени места во градот Гирјан

АНКАРА

Вооружено беспилотно летало што им припаѓа на Обединетите Арапски Емирати (ОАЕ), кои ја поддржуваат милицијата на пучистот Калифа Хафтар, погоди цивилни населби во градот Гирјан, кој се наоѓа јужно од главниот град, јавува Агенција Анадолија (АА).

Според писменото соопштение на прес-центарот на операцијата „Вулкан на гневот“, што ја води Владата на национално единство, вооружено беспилотно летало што им припаѓа на Обединетите Арапски Емирати (ОАЕ), кои ја поддржуваат милицијата на пучистот Калифа Хафтар, погодило цивилна населба во градот Гирјан, кој се наоѓа на 100 километри јужно од главниот град.

Во соопштението се наведува дека милицијата на Хафтар, исто така ја нападнала околината на аеродромот „Митига“ во главниот град и дека милициите на Хафтар немаат почит кон Рамазан, кон Рамазан бајрам, традициите и повиците за прекин на огнот.

Во изјавата не се споделени никакви информации за тоа дали има загуба на животи или материјална штета.

Либиската Армија неодамна постигна многу воени успеси против милициите поврзани со Хафтар.

Либиската Влада, која во понеделникот ја протера милицијата на Хафтар од стратешката база „Ватија“ во западниот дел на земјата, продолжува да ги расчистува и другите области во западните региони на земјата.

Армиските единици го опколија градот Терхуне, што беше користен како центар за операции и снабдување во нападите на милициите на Хафтар. Исто така, принудија некои вооружени групи да се повлечат од фронтовите на југот на главниот град за да го одбранат градот Терхуне.

Армиските единици вчера напредуваа на оската Селахадин и Ал Мешру и ги зазедоа критичните точки во регионот од милициите на Хафтар. Исто така ја презедоа и контролата врз кампот „Ал Текбали“. Се истакнува дека милицијата на Хафтар при повлекувањето во населените места поставувала мини.