Лидерите на САД, Јужна Кореја и Јапонија ќе се состанат следниот месец

АНКАРА (АА) - Лидерите на Соединетите Американски Држави (САД), Јужна Кореја и Јапонија во август ќе одржат трилатерална средба во САД, а една од важните теми ќе биде Северна Кореја, пренесува Анадолу.

Кабинетот на претседателот на Јужна Кореја соопшти дека ќе се одржи трилатерална средба меѓу американскиот претседател Џо Бајден, јапонскиот премиер Кишид Фумио и јужнокорејскиот претседател Јун Сук-Јол.

Соопштено е дека точното место и време на средбата, која се очекува на 18 август во кампусот „Кемп Дејвид“ во близина на Вашингтон, ќе бидат дополнително утврдени.

На средбата, чиј домаќин ќе биде Бајден, се очекува да се разговара и за нуклеарните и ракетните закани на Северна Кореја.

На состанокот ќе се оцени и напредокот постигнат во договорот меѓу јужнокорејските, американските и јапонските претставници за формирање советодавна група што истовремено ќе споделува информации за системот за предупредување на ракети, а планирано е да се разговара и за Украина.