Малезија подготвена да прати мировни сили во Газа

АНКАРА (АА) - Малезискиот премиер Анвар Ибрахим изјави дека се подготвени да пратат мировни сили за да обезбедат прекин на огнот во Газа, која е под израелски напади, јавува Анадолу.

На социјалните мрежи Анвар наведе дека имал телефонски разговор со новиот претседател на Индонезија, Прабово Субианто, кој ќе ја преземе функцијата во октомври.

Наведувајќи дека со Субианто разговарале за нападите врз Палестина, Анвар рече дека се подготвени да пратат мировни сили во Газа во соработка со Индонезија доколку Обединетите нации (ОН) го побараат тоа.

Анвар изјави дека освен за Палестина, се разговарало и за меѓународна соработка и проширување на соработката во рамките на Сојузот на држави од Југоисточна Азија (АСЕАН).

Прабово Субианто, кој беше избран за претседател на Индонезија и ќе ја преземе функцијата во октомври, на почетокот на јуни рече дека се подготвени да пратат мировни сили за да се осигури прекинот на огнот во Газа.