Мексико: Запленети повеќе од 1,5 тони кокаин

БОГОТА (АА) – Во Мексико, во операција организирана од страна на полицијата запленето е повеќе од 1,5 тони кокаин, пренесува Агенција Анадолија (АА).

Според вестите во мексиканските медиуми, во делови на два камиони кои патувале кон Тепито е откриено поголемо количество кокаин.

Омар Гарсија Харфуч, секретарот за граѓанска безбедност, нагласувајќи дека операцијата е историска во однос на количеството запленета дрога, рече дека се запленети повеќе од 1,5 тони кокаин.

Истакнувајќи дека наркокартелите се многу тешко погодени од операцијата, Харфуч рече дека полицијата привела 4 лица поврзани со бандата.

Клаудија Шеинбаум, гувернерката на мексиканската држава, исто така нагласи дека финансиската структура на трговците со дрога е тешко погодена благодарение на операцијата.

Се додава дека кокаинот испратен од Колумбија било планирано прво да биде испратен до државата Oaxaca, а потоа до пристаништето Ескондидо за да биде транспортиран во Соединетите Американски Држави (САД).

Познато е дека дрогата се испраќа во САД, особено преку транспорт на овошје, зеленчук и разни други производи.