Министерството за одбрана на Русија: Во Украина се уништени 118 воени објекти

МОСКВА (АА) ‒ Портпаролот на Министерството за одбрана на Русија, Игор Конашенков, соопшти дека руските воени единици уништиле 118 воени објекти во Украина, јавува Агенција Анадолија (АА).

Истакнувајќи дека во текот на воената операција повеќе од 150 украински војници го положиле оружјето и се предале, Конашенков наведе дека оние кои потпишале дека нема да се борат, во краток рок ќе бидат испратени кај нивните семејства.

Потврди дека руските сили уништиле 118 воени објекти на украинската војска. Наведе дека се уништени 13 командни центри, 36 радарски станици, 14 ракетни системи ПВО, 5 дрона, 5 воени авиони, хеликоптер, 18 тенка, 41 воено возило и 5 борбени чамци.

Соопшти рече дека нуклеарната електрана „Чернобил“ е целосно под контрола на руските воздушно-десантни сили.

Конашенков информира дека украинската воена единица задолжена за заштита на електраната и руските војници се договориле заеднички да ја осигураат безбедноста на блоковите.

„Нашите заеднички акции за заштита на електраната се гаранција дека националистички формации или други терористички организации не можат да ја искористат моменталната ситуација во земјата за организирање нуклеарна провокација“, истакна Конашенков.

Како што рече, нивото на радиоактивноста е нормално во регионот каде што се наоѓа нуклеарната електрана.