НАТО идната недела ја започнува годишната нуклеарна вежба

ЛОНДОН (АА) - НАТО идната недела ја започнува својата годишна вежба за нуклеарна подготвеност, „Непоколебливо пладне“, соопшти денес Алијансата, јавува Анадолу.

Генералниот секретар Марк Руте ја истакна важноста на подготвеноста во сè понестабилното глобално опкружување.

„Во неизвесниот свет, од витално значење е да ја тестираме нашата одбрана и да ги зајакнеме нашите капацитети, така што нашите противници да знаат дека НАТО е подготвен и способен да одговори на секоја закана“, рече Руте во Лондон по средбите со британскиот премиер Кир Стармер и украинскиот претседател Владимир Зеленски.

Вежбата ќе се одржи во период на засилена нуклеарна реторика од рускиот претседател Владимир Путин, кој издаде повеќе предупредувања откако неговата земја ја започна својата војна против Украина во 2022 година.

Предвидена да започне в понеделник, во вежбата ќе бидат вклучени 60 авиони, меѓу кои и борбени авиони Ф-35А и бомбардери Б-52, од 13 земји на НАТО.

Околу 2.000 припадници воен персонал ќе учествуваат во симулирани мисии со американски нуклеарни боеви глави, иако нема да се користи боева муниција, потврдија претставници на НАТО.

Двонеделните вежби ќе се одржат над „подрачјето на Северното Море“, а домаќини ќе бидат Белгија и Холандија.