Најмалку 15 Палестинци се убиени во израелските напади во различни делови на Газа

ИСТАНБУЛ (АА) - Најмалку 15 Палестинци се убиени во нападите што израелската Армија ги изврши врз различни делови на Појасот Газа, известува Анадолу.

Според палестинската новинска агенција ВАФА, израелската Армија нападнала училиште на Обединетите нации (ОН) во кое се засолниле Палестинците раселени од бегалскиот камп Бурајџ од градот Деир ал Балах, во централниот дел на Појасот Газа.

Тројца Палестинци се убиени, а голем број се повредени во израелското бомбардирање на училиштето „Абу Хемисе“, кое дејствува во рамките на Агенцијата на Обединетите нации за палестински бегалци (УНРВА).

Израелскиот напад предизвикал пожар во училиштето во кој изгореле 15 шатори во кои престојувале палестински семејства.

Медицинските тимови на Рафа, што се наоѓа на југот на Газа, пронашле тела на 9 Палестинци убиени во вчерашното израелско бомбардирање на источниот дел на градот.

Дирекцијата за цивилна одбрана објави дека тројца Палестинци се убиени, а голем број се повредени во израелското бомбардирање на градот Газа.