Неколку градови во Саудиска Арабија погодени од невидени поројни дождови и големи поплави

ИСТАНБУЛ (АА) - Саудиска Арабија се соочува со невидени поројни дождови и силни поплави кои ги зафатија улиците и населбите во неколку градови низ Кралството, јавува Анадолу.

Националниот центар за метеорологија издаде предупредувања со различни нивоа низ Кралството, вклучително и висока црвена тревога во светите градови Мека и Медина во западна Саудиска Арабија, како и во областите на источниот регион.

Во главниот град Ријад, централна Саудиска Арабија и југозападните провинции Асеер и Јазан има предупредување за опасност на пониско ниво, но сепак ги повикаа луѓето да останат внимателни поради очекуваните врнежи.

Спасувачките власти на Кралството, вклучително и управата на Црвената полумесечина, ја зголемија својата подготвеност како одговор на предупредувањата за силниот дожд.

Според саудиската прес-агенција, Црвената полумесечина ја потврдила целосната оперативна подготвеност на своите спасувачки тимови за да обезбедат непречена услуга на брза помош и брзи интервенции.

Саудиските власти, исто така, ги предупредија граѓаните да бидат внимателни и да ги следат безбедносните упатства, особено во областите што добија предупредувања на високо ниво.

Службата за цивилна одбрана ги повика луѓето да се држат настрана од долините, низинските области и областите каде што може да се соберат врнежите.

Видеоснимките на социјалните мрежи го документираа обемот на поплавите со зголемување на нивото на водата и носењето на автомобилите од патиштата, како и потопените згради поради обилните врнежи и грмотевици.