Rania R.a. Abushamala
29 Ноември 2024•Ажурирај: 29 Ноември 2024
АЛ-КУДС (АА) - Израелскиот премиер Бенјамин Нетанјаху во четвртокот навести можност за враќање на интензивната војна доколку се прекрши договорот за прекин на огнот со Либан, кој стапи на сила во средата, известува Анадолу.
„Ако договорот биде прекршен, ќе ескалираме до интензивна војна“, рече Нетанјаху во интервју за израелскиот канал 12 и додаде:
„Го нарекувам прекин на огнот затоа што не ја прогласив војната за завршена.“
Либанската армија објави дека Израел неколкупати го прекрши договорот за прекин на огнот од средата.
Според условите на прекинот на огнот, Израел во фази ќе ги повлече своите сили јужно од де факто границата на Сината линија, додека либанската армија ќе ги распореди своите сили во јужен Либан во рок од 60 дена.
Спроведувањето на договорот треба да го следат Соединетите Американски Држави и Франција.
Повеќе од 3.960 луѓе се убиени и повеќе од 16.500 се повредени во израелските напади врз Либан, а повеќе од еден милион се раселени од октомври минатата година, објавија либанските здравствени власти.
