Нигерија: Во експлозија на нелегална рафинерија за нафта починале 25 лица

АБУЏА

Најмалку 25 лица починаа во експлозија на нелегална рафинерија за нафта во Риверс, Нигерија, една од западноафриканските земји, јавува Агенција Анадолија (АА).

Ифеани Омано, претставник на регионот Румуекпе во провинцијата Риверс, изјави дека дошло до експлозија во нелегалната рафинерија за нафта во Румуекпе.

Наведувајќи дека најмалку 25 луѓе, вклучително и деца, починале во експлозијата, Омано истакна дека многу луѓе се повредени.

Постои загриженост дека бројката на мртви ќе се зголеми.

Повредените лица се хоспитализирани, а во експлозијата се уништени и десетина куќи.

Истакнувајќи дека работата на нелегалната рафинеријата за нафта во регионот е алармантна, Омано ја повика Владата итно да реагира во вакви ситуации.

Нигерија, која е на 8. место меѓу земјите со најголеми залихи на нафта во светот, доживува намалување на приходот од нафтата поради саботажите на вооружените групи на нафтените полиња, нелегалните рафинерии за нафта, судирите во регионите и киднапирањата.