Бангладеш: Уапсени 58 лица поради палење хиндуистички имот

ДАКА

Полицијата на Бангладеш уапси 58 лица осомничени за вмешаност или организирање на палењето на десетина куќи и имот минатата недела, јавува Агенција Анадолија (АА).

„До денес уапсивме 58 осомничени, а четири лица веќе ја признаа вмешаноста во ова кривично дело“, рече Биплоб Кумар Сакар, надзорник на полицијата во северната област Рангур, каде што се случил инцидентот.

Тој наведе дека полицијата ќе продолжи да го истражува случајот.

„Од приведените, 37 се во тридневен притвор поради понатамошни испитувања“, појасни Сакар.

Тензиите се разгореа во Рангур откако минатата недела хиндуистот Паритоша Саркар со објава на социјалните мрежи го навредувал муслиманското свето место во Каба, Мека. Саркар подоцна е убиен.

Во меѓувреме, со помош на Владата и некои други организации и поединци, хиндуистичките семејства се вратиле во своите домови што се реновирани со финансиска помош.