ОН повикува на истрага за смртните случаи во Мозамбик

ИСТАНБУЛ (АА) - Генералниот секретар на Обединетите нации (ОН), Антонио Гутереш, повика на истрага за убивањето на повеќе од 50 цивили со сечење на главите во африканската земја Мозамбик, пренесува Агенција Анадолија (АА).

Гутереш даде писмена изјава во врска со убиството на над 50 цивили во областа Cabo Delgado во северниот дел на Мозамбик.

Наведувајќи дека тие се сериозно загрижени за киднапирање на деца и жени и убиствата со сечење на главите, Гутереш рече: „Треба да се отвори истрага за инцидентите и одговорните треба да бидат повикани на одговорност“.

Гутереш истакна дека како Обединети нации стојат покрај народот и државата Мозамбик. „Ги повикуваме сите страни на конфликтот да ги исполнат своите меѓународни обврски за човекови права и хуманитарна помош.“

Во провинцијата Кабо Делгадо, вооружени групи упаднаа во селата и убија повеќе од 50 лица, вклучувајќи жени и деца.

Кабо Делгадо, каде што живеат 2,3 милиони жители, е богат со природен гас и благородни метали. Во регионот продолжуваат големите операции на Армијата против вооружените групи кои се појавија пред 3 години.

Поради терористичките напади и воените операции во кабо Делгадо, 400 илјади луѓе ги напуштија своите домови, само минатата недела 10 илјади луѓе со чамци побегнаа во градот Пемба.

Вооружената група поврзана со ДАЕШ, која извршува напади врз цивилите и безбедносните сили, е именувана како „Енсар ал-Суна“ или „Ал-Шабаб“.