ОН предупредуваат дека не треба да се занемарат другите кризи во светот поради Украина

БРИСЕЛ (АА) - Високиот комесаријат на Обединетите нации за бегалци, Филипо Гранди, предупреди дека не смеат да се игнорираат кризите во другите делови на светот и луѓето на кои им е потребна помош поради хуманитарната и политичката криза предизвикана од војната меѓу Русија и Украина, јавува Агенција Анадолија (АА).

Гранди денеска присуствуваше на состанокот на Советот за надворешни работи на Европската Унија (ЕУ).

Во изјавата за новинарите на влезот на состанокот, Гранди рече дека во светот има кризи, не само во Украина, туку и на многу други места.

Гранди предупреди дека европските земји подоцна би можеле да направат многу поголеми трошоци доколку ја намалат помошта за други области.

„Не смееме да ги заборавиме другите“, рече Гранди, додавајќи дека украинската криза влијае на многу и онака кревки области како што се безбедноста на храната, цените на енергијата, зголемените цени и нестабилноста.

Гранди нагласи дека, освен во Украина, треба да се интервенира во контекст на хуманитарните кризи и во многу други места како Африка, Блискиот Исток, Латинска Америка и Азија.

Тој додаде дека затоа веднаш по денешната средба ќе замине во Бангладеш за да дознае за состојбата на муслиманите Рохинџи во областа.