Полска: Поле со пченка претворено во огромен лавиринт

КОБЈЕРЗИЦЕ (AA) – Генијален земјоделец од Полска на своето поле со пченка создаде лавиринт кој секојдневно привлекува голем број туристи, а посебна радост им приредува на најмладите посетители, јавува Anadolu Agency (AA).

Еден од најголемите лавиринти во Полска се наоѓа на полето со пченка недалеку од градот Кобјерзице, а репортерот на АА го сними полето со дрон.

Станува збор за поле со површина од хектар и половина, на кој генијалниот земјоделец прецизно засадил 100.000 стебленца пченка и направил кружен лавиринт од 13 слоеви.

Посетителите до жетвата кон крајот на октомври ќе можат да уживаат во пронаоѓањето на излезот од три метра високата пченка.