Претседателката на ЕК: „За Европа е потребен Маршалов план“

БЕРЛИН (АА) - Претседателката на Европската комисија, Урсула фон дер Лејен, изјави дека е потребен „Маршалов план“ за да им се помогне на земјите од ЕУ погодени од епидемијата на новиот вид коронавирус Ковид-19, пренесува Агенција Анадолија (АА).

Во статијата напишана за весникот „Велт“, Фон дер Лејен истакнува дека Европа се соочува со непознат непријател и невидена криза досега.

Истакнувајќи дека треба да се издвојат повеќе пари за да земјите од ЕУ погодени од Ковид-19 излезат од кризата, Фон дер Лејен рече: „Потребен е Маршалов план за Европа.“

Фон дер Лејен, истакнувајќи го фактот дека треба да се вклучат големи инвестиции во буџетот на ЕУ, рече дека буџетот на ЕУ, кој е прифатен како средство за солидарност, треба да биде оформен според кризата.

Од друга страна, претседателот на Федералното собрание на партиите на демохристијанската Унија ЦДУ/ЦСУ во Германија, Ралф Бринхаус, за германската новинска агенција (ДПА) изјави дека треба да се создаде пакет за помош на земјите од ЕУ кои не можат да ја надминат кризата предизвикана од појавата на Ковид-19.

Бринхаус, истакнувајќи ја потребата за брза испорака на помошта до земјите што се погодени од коронавирусот, рече: „Европа треба да биде во солидарност, особено за време на кризата.“

Маршаловиот план е познат како пакет за економска помош од САД, ставен во сила за европските земји по Втората светска војна.