Русија протера 27 шпански дипломати

МОСКВА (АА) - Русија денеска за персона нон грата прогласи 27 шпански дипломати како одмазда за потегот на Шпанија во врска со војната во Украина, јавува Агенција Анадолија (АА).

„Овој чекор е преземен како одговор на протерувањето на 27-те руски дипломати од Шпанија во април“, се вели во соопштението на руското Министерство за надворешни работи.

Се додава дека Министерството го повикало амбасадорот Маркос Гомез Мартинез на „решителен протест“ и му врачило нота со која се наредува дипломатите да ја напуштат Русија.

„На Мартинез му беше кажано дека непријателскиот чекор на Мадрид негативно ќе влијае на руско-шпанските односи“, се вели во соопштението.

Протераните дипломати работеле во Шпанската амбасада во Москва и во Генералниот конзулат во Санкт Петербург.

„Тие мора да ја напуштат Русија во рок од седум дена“, соопшти руското Министерство за надворешни работи.