Русија тврди дека има контрола над уште две населени места во украинската област Доњецк

ИСТАНБУЛ (АА) - Русија денес потврди дека презела контрола над уште две населени места во источниот украински регион Доњецк, јавува Анадолу.

Во соопштението на Министерството за одбрана се вели дека нивните сили презеле контрола над селото Зеленивка, околу 15 километри од градот Курахове, клучно украинско упориште во регионот каде што се наоѓа термоелектрана.

Последниве месеци Москва често известуваше за напредок продолжувајќи ја својата офанзива во Доњецк, при што во областа околу Покровск и Курахове е забележана засилена воена активност.

Во соопштението се вели дека руските сили го зазеле и селото Нови Комар, само пет километри северно од населбата Велика Новосилка на линијата на фронтот.

Претходно украинскиот Генералштаб соопшти дека руските сили се обиделе да извршат 25 напади во близина на шест населени места на фронтот Вримивка, меѓу кои и Нови Комар и Велика Новосилка.

Украинските власти сè уште не ги коментираа тврдењата на Русија, а независна проверка на тврдењата е тешка поради тековната војна.