Во Каиро започна економскиот Самит на Д-8

КАИРО (АА) – Денес во египетскиот главен град Каиро започнa Самитот на Организацијата за економска соработка Д-8, на кој учествува и турскиот претседател Реџеп Таип Ердоган, јавува Анадолу.

На Самитот ќе присуствуваат и египетскиот претседател Абдел Фатах ал-Сиси, иранскиот претседател Масуд Пезешкијан и пакистанскиот премиер Шехбаз Шариф.

Самитот, кој се одржува на тема „Инвестирање во младите и поддршка на малите и средните претпријатија: обликување на утрешната економија“, треба да одржи специјална сесија за ситуацијата во Палестина и Либан, со учество на палестинскиот претседател Махмуд Абас и либанскиот премиер Наџиб Микати.

Групата Д-8 е основана во Истанбул во 1997 година за да ги зајакне економските и социјалните односи меѓу нејзините земји членки - Туркије, Египет, Нигерија, Пакистан, Индонезија, Бангладеш, Иран и Малезија.