САД одобрија продажба на оружје за 3 земји на ЕУ во вредност од 5 милијарди долари

ВАШИНГТОН (АА) - Според Пентагон, Стејт департментот одобрил 4,7 милијарди долари за потенцијална продажба на оружје на Словачка, Шпанија и Велика Британија, јавува Anadolu Agency (AA).

Агенцијата за безбедносна соработка во одбраната објави соопштение во кое вели дека на Словачка ќе купи воени авиони Ф-16 и оружје во износ од 2,9 милијарди долари.

„Предложената продажба ќе ги поддржи потребите на Словачка за сопствена самоодбрана и ќе ги поддржи одбранбените цели на НАТО“, се вели во соопштението, додавајќи дека продажбата ќе помогне на надворешната политика и националната безбедност на САД и ќе обезбеди мир и стабилност во Европа.

На Шпанија ќе ѝ биде одобрено купување на карго-авион CH-47F за 1,3 милијарда долари и друга опрема која ќе го подобри капацитетот на земјата да ја одржи политичката стабилност и економскиот прогрес во Европа.

Оваа предложена продажба ќе ја зајакне Шпанија и ќе ѝ помогне во одбраната на татковината и во одвраќањето на регионалните закани.

Од Агенцијата се вели дека со продажбата во износ од 500 милиони долари ќе ѝ помогне на Велика Британија да озбезбеди поддршка за MQ-9 Reaper, подобро познат како беспилотно летало „Предатор“.

Продажбата вклучува логистичка поддршка, техничка поддршка, одржување, модификации и надградби.

Според Агенцијата, овие продажби не го менуваат основниот воен баланс во регионот.

Се очекува одобрување од Конгресот за предложените продажби.