Силен земјотрес со јачина од 7,4 степени ја погоди Колумбија

Силен земјотрес со јачина од 7,4 степени ја погоди западна Колумбија денес, соопшти Американскиот геолошки институт (УСГС), пренесува Анадолу.

Земјотресот се случил во 12:34 часот по Гринич, со епицентар на околу 5 километри источно од градот Сан Хозе дел Палмар. Според американската агенција, земјотресот бил на длабочина од 107 километри.

И покрај силниот потрес, Американскиот систем за предупредување од цунами соопшти дека не се очекува цунами да ги погоди американските сојузни држави Калифорнија, Орегон, Вашингтон или Алјаска, ниту канадската провинција Британска Колумбија.

Засега нема непосредни извештаи за жртви или причинета материјална штета.