Силите на Африканската Унија признаа дека убиле 7 цивили во Сомалија

ИСТАНБУЛ

Мисијата на Африканската Унија во Сомалија (AMISOM) призна дека нејзини војници убиле 7 цивили во операцијата против Ал Шабаб во Сомалија реализирана на 10 август, пренесува Агенција Анадолија (АА).

Во соопштението на АМИСОМ се наведува дека инцидентот е потврден во истрагата отворена по изјавата на сомалиската Влада дека во наведената операција загинале 7 цивили.

Исто така, се наведува дека за време на конфликтот во регионот Голвејн еден војник на АМИСОМ загинал, а еден војник бил повреден.

Се нагласува дека одговорните војници ќе бидат изведени пред лицето на правдата.

Во соопштението се истакнува и дека АМИСОМ ја презела целосната одговорност за она што се случило и дека војниците во конфликтот се државјани на Уганда.

Во АМИСОМ служат околу 20.000 војници од пет земји.