Сиси: Египет отвора нова страница во односите со Туркије

КАИРО (АА) - Египетскиот претседател Абдел-Фатах ал-Сиси, првпат по една деценија, како домаќин на својот турски колега во главниот град Каиро, изјави дека неговата земја отвора нова страница во односите со Туркије, јавува Анадолу.

„Го поздравувам претседателот Реџеп Таип Ердоган на неговата прва посета на Египет по повеќе од 10 години за да отвори нова страница меѓу нашите две земји со цел збогатување на нашите билатерални односи и нивно поставување на вистинскиот пат“, истакна Сиси вчера за време на заедничката прес-конференција со турскиот претседател.

Сиси нагласи дека Египет се обидува да ја зголеми својата трговија со Туркије на 15 милијарди долари во следните пет години.