Снимки од дрон го покажуваат обемот на уништување во населбите Џабалија и Тел ал-Хава во Газа

СКОПЈЕ (АА) - Снимки од дрон го покажуваат обемот на уништување низ населбите Џабалија и Тел ал-Хава во Газа, прикажувајќи големи оштетувања на домовите и инфраструктурата по две години израелски воздушни напади и гранатирање, јавува Анадолу.

Воздушните снимки на Анадолу покажуваат урнати згради, искривен метал и улици полни со урнатини по силните удари.

Израелските напади уништија големи делови од цивилната инфраструктура во Газа, оставајќи стотици илјади луѓе без домови.

Од октомври 2023 година, израелската Армија уби речиси 70.000 лица во Газа, претежно жени и деца, повреди над 170.800, а енклавата ја претвори во урнатини.

Договорот за прекин на огнот меѓу Израел и Хамас стапи на сила на 10 октомври.

Првата фаза од договорот за прекин на огнот вклучува ослободување на израелските заложници во замена за палестински затвореници. Планот, исто така, предвидува обнова на Газа и воспоставување нов управувачки механизам без Хамас.