Терористот Брентон Тарант осуден на доживотен затвор поради нападите на џамиите во Крајстчрч

КУАЛА ЛУМПУР

Терористот Брентон Тарант кој во нападите на двете џамии во новозеландскиот град Крајстчрч уби 51, а рани 49 лица, осуден е на казна доживотен затвор, јавува Агенција Анадолија (АА).

Судијата Камерун Мандер, кој ја прочита пресудата на завршното рочиште пред Врховниот суд на Нов Зеланд, рече дека Тарант е осуден за 51 убиство, 40 обиди за убиство и за кривичното дело тероризам, поради што му се изрекува доживотна затворска казна.

Изјавата на терористот Тарант, кој не сакаше да ја прочита сопствената одбрана на вчерашното рочиште, ја прочина неговиот адвокат.

Тарант ги прифати сите обвиненија на негова сметка, вклучувајќи 51 убиство, 40 обиди за убиство и еден терористички напад.

Терористот Тарант на 15 март 2019 година, во текот на петочната молитва (џума намаз), упадна во џамиите „Нур“ и „Линвуд“ во Крајстчрч и уби 51 муслиман кои се собраа на заедничка молитва.