Туркије: Од Украина испловија уште пет брода натоварени со жито

АНКАРА (АА) - Министерството за национална одбрана на Туркије соопшти дека уште пет брода натоварени со житарици испловиле од Украина, пренесува Агенција Анадолија (АА).

Во соопштението на Министерството е наведено дека бродовите од украинските пристаништа испловиле утринава.

Туркије, Обединетите нации (ОН), Русија и Украина на 22 јули потпишаа договор во Истанбул за продолжување на извозот на жито од три украински пристаништа во Црното Море, кој беше прекинат од почетокот на Руско-украинската војна во февруари.

Во Истанбул е формиран Заеднички координативен центар со официјални претставници од трите земји и ОН за надгледување на испораките.