Турција испрати помош за Мексико по разорниот земјотрес

АНКАРА (АА) - Турската државна хуманитарна агенција испраќа помош за лицата погодени од разорниот земјотрес што го погоди Мексико во вторникот, јавува Anadolu Agency (AA).

Турската агенција за координација и соработка (ТИКА) денес соопшти дека подготвила пакети со хигиенски и медицински материјали во соработка со мексиканската Црвена полумесечина.

ТИКА исто така обезбеди средства и опрема за акциите за пребарување и спасување.

Пакетите ќе бидат доставени во Мексико Сити и во Сочимилко, на околу 40 километри (25 милји) јужно од главниот град.

На 8 септември, Мексико беше погоден од земјотрес со магнитуда од 8 степени според Рихтер, во кој загинаа 100 лица, а на околу 2,5 милиони им беше потребна хуманитарна помош.

Само единаесет дена подоцна, земјата беше погодена од уште еден силен земјотрес, 122 километри југоисточно од главниот град, со длабочина од 51 километар (32 милји), се вели во Геолошкиот топографски институт на САД.

Спасувачките тимови продолжуваат со своите напори за пронаоѓање на затрупаните лица под урнатините.

Координаторот на ТИКА за Мексико, Сарпер Чинар, изјави дека Турција испратила амбулантни возила и брод.

Голем број училишта, медицински центри, сиропиталишта и центри за попреченост беа уништени во регионот.

„Добивме барање за реконструирање на регионот и ќе обезбедиме поддршка колку што е можно поскоро“, додаде Чинар.

„Турција во рок од 24 часа одговори во врска со несреќата“, изјави официјално лице на ТИКА, кое додаде дека агенцијата веднаш се вклучила во дистрибуирањето помош за жртвите по земјотресот.

Исто така, додаде дека како земја што ги знае болните последици од земјотресот, Турција секогаш ќе биде прва што ќе обезбеди поддршка по катастрофи како оваа.