Украина: Во Харков одекнаа експлозии од руските ракетни напади

АНКАРА (АА) - Регионот Харков во Украина рано утринава го потресоа експлозии од новите руски ракетни напади и напади со беспилотни летала, објавија локалните власти, пренесува Агенција Анадолија (АА)

„Повторно го погодија регионот на Киев. Прелиминарните информации покажуваат дека нема разорување, нема жртви“, објави на Телеграм Ихор Терехов, градоначалник на Харков.

Претходно беше соопштено дека проектили погодиле други делови од регионот, при што биле повредени шест лица.

„Денеска околу 8:00 часот непријателот истрела ракети врз градот Харков. Регистрирани се напади врз објект на индустриска инфраструктура во Киевскиот Округ. Сите служби за итни случаи се на терен“, изјави гувернерот на Харков, Олех Синјехубов.

Синјехубов истакна дека при нападот биле повредени шест лица и дека се собираат информации за материјална штета и жртви.

Тој додаде дека вчера руските сили ги гранатирале градовите Купјанск и Вовчанск, како и населбите во областите Купјанск, Чухуив, Харков и Боходухив.

Главниот град на Украина, Киев и регионите Миколаев, Кировоград, Черкаси и Полтава прогласија вонредна состојба во четвртокот, бидејќи нападите со ракети и беспилотни летала во земјата продолжуваат втора недела.