Украина: Ограничена потрошувачката на енергија во Киев и други региони

ИСТАНБУЛ (АА) - Украинската национална енергетска компанија „Укренерго“ денес ја ограничи потрошувачката на електрична енергија во неколку региони, вклучително и главниот град Киев, пренесува Агенција Анадолија (АА).

„За да се одржи стабилната работа на електроенергетскиот систем, диспечерскиот центар Укренерго е принуден да воведе привремено контролирано ограничување на потрошувачката на електрична енергија во регионите Харков, Полтава и Суми“, објави компанијата на Телеграм.

Во соопштението на „Укренерго“ се додава дека Киев ќе се соочи со најголеми ограничувања, како и киевскиот округ во Харков и подрачјето на Чернихив, Черкаси и Житомир.

„Ова ќе помогне да се намали оптоварувањето на електроенергетските мрежи и да им се даде време на енергетските компании да ја поправат опремата оштетена од терористичките напади“, се вели во соопштението.

Компанијата апелираше до жителите да ги полнат телефоните и да ги информираат оние кои не користат социјални мрежи за мерките, за кои велат дека би можеле да помогнат да се избегнат прекините на струја.

Енергетската инфраструктура на Украина беше цел на руските воздушни напади од почетокот на војната во февруари.

Украинската Влада во четвртокот објави дека ќе ја намали потрошувачката на енергија низ целата земја за 20 отсто поради помалото производство во оштетените енергетски капацитети.

Министерот за енергетика Херман Халушченко изјави дека енергетските објекти на Украина биле оштетени од руските воздушни напади на 10 октомври.

Претседателот на Украина, Владимир Зеленски, минатата недела објави дека 30 отсто од украинските електрани се уништени во нападите од 10 октомври.