Иран: Приведени 10 лица обвинети за шпионажа за Израел

ИСТАНБУЛ (АА) - Во иранската покраина Западен Азербејџан приведени се 10 лица под обвинение дека шпионирале за Израел, пренесува Агенција Анадолија (АА).

Според веста во иранските медиуми, фатена е група од 10 лица кои работеле за Мосад, израелската служба за надворешно разузнавање.

Во веста се тврди дека дел од фатените лица биле во контакт со припадници на Мосад.

Се наведува дека оваа група особено ги имала како цел иранските безбедносни сили кои работеле во мисии поврзани со Израел.

Исто така, се тврди дека членовите на групата освен во покраината Западен Азербејџан, вршеле активности и во Техеран и Хормозган.