УНИЦЕФ: Голем број деца меѓу жртвите во Газа

ЖЕНЕВА (АА) - Меѓу жртвите во бомбардирањето на блокираниот Појас Газа има голем број деца, објави денес УНИЦЕФ, повикувајќи на итен прекин на насилството, пренесува Анадолу.

„Сликите од Газа се ужасни. Меѓу жртвите има многу деца“, соопшти УНИЦЕФ на социјалната мрежа Х.

Беше нагласено дека милион луѓе немаат безбедно место каде да заминат.

„Ова е неприфатливо, насилството мора веднаш да се прекине“, нагласија од УНИЦЕФ.

Ситуацијата ескалира во Појасот Газа по нападите на палестинската група Хамас врз израелските градови во саботата.

Военото крило на Хамас, бригадите Ал-Касам, во саботата наутро започна сеопфатна операција наречена „Поплава Ал Акса“.

Израел возврати со масовни воздушни напади врз Газа.

Бројот на загинати Палестинци во израелското бомбардирање на Газа е 1.537, додека 6.612 лица се повредени.

Најмалку 1.300 Израелци загинаа, а 3.300 се повредени во нападите од Газа.