Фејсбук наврши 20 години

АНКАРА (АА) - Во својата 20-годишна историја, Фејсбук, една од најкористените социјални мрежи на глобално ниво, го продолжува своето патешествие под чадорот „Мета“ и покрај контроверзиите околу безбедноста на податоците и прекршувањето на регулативите за конкуренција, јавува Анадолу.

Основан од Марк Закерберг и тројца пријатели во студентски дом на Универзитетот Харвард на 4 февруари 2004 година, Фејсбук продолжува да е најкористената платформа на социјални медиуми во светот.

Компанијата со текот на годините брзо се прошири со инкорпорирање на популарни апликации како што се ВатсАп и Инстаграм.

Со одлуката за промена на имиџот во 2021 година и продолжување на својот пат како „Мета“, компанијата продолжува со своите напори во сенка на скандали, проблеми со безбедноста на податоците, прекршување на регулативите за конкуренција и критики поврзани со цензурата.

Особено по губењето на младите корисници, компанијата ја претстави својата визија метаверс во 2021 година.

Таа тврди дека најмалку три милијарди луѓе користат еден од нејзините производи на дневно ниво.

Компанијата ги поседува и раководи со Фејсбук, Инстаграм, Тредс и ВатсАп, меѓу останатите производи и услуги.