Франција: Непознато лице му удри шлаканица на претседателот Емануел Макрон

ПАРИЗ

Непознато лице му удри шлаканица на францускиот претседател Емануел Макрон за време на посетата на регионот Дром, јавува Агенција Анадолија (АА).

Инцидентот се случи кога Макрон им се доближил на насобраните граѓани во градот Таин-Лермитаж во кој ја посети туристичко-угостителската гимназија.

Макрон им пријде на граѓаните кои чекаа да го поздрават, а еден од присутните го повлече за рака и му удри шлаканица.

На снимката од инцидентот не се слуша што зборува машкото лице додека го удира Макрон, но се слуша како ја завршува реченицата со извикување: „Нека е проклет макронизмот“.

Телохранителите на францускиот претседател интервенитраа брзо и спречија поголем инцидент.

Од Елисејската палата ја потврдија веста за инцидентот кој го нарекоа обид за шлаканица.

Француските медиуми јавуваат дека поради инцидентот од слобода се лишени две лица.

Францускиот претседател минатата недела престојуваше во дводневна посета на регионот Лот, а опозицијата го обвинува дека посетите на регионите во Франција ги организира во предизборни цели.