Франција: Последните 24 часа од Ковид-19 починаа 574 лица, со што вкупната бројка на смртни случаи достигна 14.967

ПАРИЗ

Од почетокот на пандемијата на новиот тип на коронавирусот (Ковид-19) досега во Франција починаа 14.967 лица, што ја прави Франција четврта земја во светот според бројот на смртни случаи, јавува Агенција Анадолија (АА).

Во соопштението на Министерството за здравство на Франција се вели дека во последните 24 часа Ковид-19 е детектиран кај уште 4.188 лица, со што вкупниот број на заразени во оваа земја изнесува 136.779.

Поради заразеност со новиот тип на коронавирусот во Франција се хоспитализирани 32.113 лица, меѓу кои 6.821 се наоѓаат на интензивна нега.

Во последните 24 часа од вирусот се излечени уште 551 лице, а вкупниот број на лица кои успеале да го совладаат Ковид-19 изнесува 27.718.

Последните 24 часа од последици предизвикани од заразеност со новиот тип на коронавирусот починале уште 574 лица, со што вкупната бројка на смртни случаи во Франција се искачи на 14.967.