Францускиот „човек пајак“ се качи на кула висока 161 метар за мир во Палестина

АНКАРА (АА) - Францускиот алпинист Ален Робер, кој е познат како „човекот пајак“, се качи на деловната кула на „Тоталенержи“ со цел да привлече внимание на цивилните загуби во Газа, каде што продолжуваат израелските напади, и да упати порака за мир, пренесува Анадолу.

Според веста на „Ле Паризиен“, францускиот алпинист Робер истакна дека светските лидери треба да се состанат за решавање на палестинското прашање.

Робер со голи раце се качи на кулата на „Тоталенержи“, која е висока 161 метар, и се наоѓа во бизнис-центарот „Ла Дефанс“ во Париз.

Тој нагласи дека додека се качувал на кулата, мислел на лицата кои ги загубиле животите како резултат на израелските бомбардирања, и упати апел за мир во Палестина.

Инаку, Робер претходно 14 пати се качил на оваа кула, а по качувањето беше приведен од полицијата.