Хезболах изврши напад врз воена база во Северен Израел

БЕЈРУТ (АА) - Хезболах денес соопшти дека извршил напад врз израелска база за воздушна одбрана во касарната „Бирија“, Северен Израел, пренесува Анадолу.

Либанската група истакна дека нејзините борци лансирале повеќе ракети „Катјуша“ кон главната база за воздушна одбрана под команда на северниот регион на Израел, директно погодувајќи ја касарната „Бирија“, при што се запалени делови од неа.

Либанската национална новинска агенција соопшти дека израелски воени авиони извршиле два воздушни напада взори врз јужниот град Бинт Џбеил. Во првиот напад била погодена куќа, а во вториот делови од долината.

Екипите на брза помош и цивилна одбрана веднаш излегле на местото на нападите, но нема информации за жртви.

Тензиите по должината на границата на Либан со Израел се зголемија поради прекуграничните напади меѓу Хезболах и израелските сили, додека Тел Авив продолжува со офанзивата во Појасот Газа во која од октомври досега загинаа повеќе од 41.100 луѓе.