Хеликоптер се урна во реката Хадсон во Њујорк

Хеликоптер се урна во реката Хадсон, во близина на долниот дел на Менхетен, во Њујорк, Соединетите Американски Држави (САД), каде сѐ уште нема официјални информации за жртви, јавува Анадолу.

Полициската управа на Њујорк потврди дека несреќата се случила „во близина на автопатот Вест Сајд и Спринг Стрит“, предупредувајќи ги возачите и пешаците преку платформата Х „да очекуваат возила за итни случаи и застој во сообраќајот во околните области“.

На објавено видео од случаен минувач се гледа како хеликоптерот вртејќи се паѓа во реката. На новинските снимки се гледаат чамци за пребарување и спасување кои работат во областа на облачен ден.

Дополнителни детали, вклучувајќи го и бројот на патници во хеликоптерот, не беа веднаш достапни.

WABC, локална телевизиска мрежа на Еј-би-си, објави дека најмалку три лица загинале, иако нема официјална потврда за жртви. Се наведува и дека во авионот, покрај пилотот, имало и петчлено семејство туристи од Шпанија.