Aşkın Kıyağan
03 Октомври 2023•Ажурирај: 04 Октомври 2023
ПРАГА (АА) – Владата на Република Чешка објави дека ќе започне со проверки по должината на границата со Словачка во обид да го реши миграцискиот бран, пренесува Анадолу.
„Чешка воведува случајни гранични контроли со Словачка поради зголемениот прилив на мигранти во Европската Унија“, напиша чешкиот премиер Петр Фијала на социјалната мрежа Х.
Тој додаде дека Чешка се координира со Полска, која исто така воведува слични гранични проверки.
Министерот за внатрешни работи на Чешка, Вит Ракушан, најави дека граничните контроли ќе се вршат по случаен избор до 13 октомври, а подоцна ќе се донесе одлука за евентуално продолжување на таа практика.
