Јеменска војска: Соборено беспилотно летало на Хусите во Ал Џавф

АДЕН

Војската на Јемен соопшти дека е соборено беспилотно летало на бунтовничкото движење Хуси на границата со Саудиска Арабија, јавува Агенција Анадолија (АА).

Од Информативниот центар на вооружените сили кој дејствува при Министерството за одбрана, соопштено е дека во покраината Ал Џавф е откриено беспилотно летало со муниција.

Во соопштението се наведува дека беспилотното летало е лоцирано над градот Ал Хазм, а соборено е на местото Ен Нубуд.

Бунтовничкото движење Хуси сѐ уште не се огласило во врска со овој случај.

Јемен е место на длабока политичка и безбедносна криза, која кон крајот на 2014 година ескалираше во граѓанска војна, кога бунтовниците предводени од шиитското движење на Хусите и од Конгресот предводен од претседателот Салех го зазедоа најголемиот јеменски град Сана, а потоа и другите региони.

Коалициските сили под водство на Саудиска Арабија од март 2015 година ѝ даваат поддршка на Владата на Јемен против Хусите, што ја влоши ситуацијата и предизвика една од најлошите хуманитарни кризи во светот. Според податоците на ОН, на дури 80 отсто од 24 милиони жители на Јемен им е потребна хуманитарна помош, а гладуваат повеќе од 13 милиони лица.