Во Франција се откажани сите натпреварувања во спортот за сезоната 2019-2020, вклучувајќи го и фудбалот

ПАРИЗ

Премиерот на Франција Едуард Филип соопшти дека фудбалската сезона во земјата нема да продолжи поради пандемијата на новиот тип на коронавирусот (Ковид-19), јавува Агенција Анадолија (АА).

Премиерот Филип во своето обраќање во парламентот зборуваше за новите мерки што владата ги преземала како превенција од ширење на Ковид-19.

Филип истакна дека се забранети сите големи спортски организации и додаде „Откажани се сите натпреварувања во спортот за сезоната 2019-2020, вклучувајќи го и фудбалот“.

По изјавата на премиерот Филип француските медиуми објавија дека е откажана сезоната во француските фудбалски лиги Лига 1 и Лига 2.

Премиерот Филип не даде детали како ќе бидат завршени фудбалските лиги, па затоа по ова прашање се чекаат одлуките на Француската фудаблска федерација и француската Провесионална фудбалска лига (LFP).

УЕФА побара фудбалските лиги да завршат до август, но во исто време соошти дека поради оправдани причини, можно е сезоната да биде завршена од страна на националните федерации.