НБА: Харден со рекорд ја започна кариерата во новиот клуб Бруклин Нетс

ИСТАНБУЛ

Екипата на Бруклин Нетс во натпреварот од американската Национална кошаркарска лига (НБА) на домашен терен го совлада Орландо Меџик со резултат 122:115, известува Агенција Анадолија (АА).

Синоќа се одиграа 6 натпревари во НБА. Олстар-ѕвездата Џејмс Харден постигна трипл-дабл од 32 поени, 12 скока и 14 асистенции на средбата против Меџик и е најзаслужен за победата на Нетс над Меџик со 7 разлика. Ова е трета последователна победа на Меџик, осма оваа сезона.

Харден, кој осум пати е избран за олстар и трипати беше најпрецизен играч во НБА (сезоните 2018/19/20), стана првиот играч во НБА кому му успеало да постигне трипл-дабл со повеќе од 30 поени во првиот настап за својот нов клуб.

Во исто време Харден е седмиот играч во историјата на НБА што во првиот настап за својот нов клуб постигнал трипл-дабл. Претходно тоа им успеало на Расел Вестбрук, Елфрид Пејтон, Луис Лојд, Џон Шумејт, Нејт Турмонд и Оскар Робертсон.

Кевин Дурант прикажа извонреден перформанс за Нетс и со 42 поени, 5 асистенции и 4 скока беше најпрецизниот играч на натпреварот. Џо Харис постигна 17 поени и 5 скока, а Џеф Грин го заврши натпреварот со 10 поени и 4 скока.

За Меџик, Никола Вучевиќ постигна дабл-дабл од 34 поени, 10 скока и 7 асистенции, а Теренс Рос имаше скор од 23 поени, 3 скока и 3 асистенции, но тоа не беше доволно за да се избегне поразот од засилениот Нетс.

- Резултати:

Сан Антонио Спарс - Хјустон Рокетс 103:91

Бруклин Нетс - Орландо Меџик 122:115

Торонто Репторс - Шарлот Хорнетс 116:113

Мемфис Гризлис - Филаделфија Севентисиксерс 106:104

Мајами Хит - Детроит Пистонс 100:120

Портланд Треил Блејзерс - Атланта Хоукс 112:106.