Познати паровите од плејоф-рундата на УЕФА Лигата на шампионите

СКОПЈЕ (АА) - Се одржа ждрепката за 16 тимови учесници на плејофот во УЕФА Лигата на шампионите, јавува Анадолу.

Во Нион, Швајцарија, седиштето на УЕФА, се одржа ждрепката за плејоф-колото на УЕФА Лигата на шампиони. Оваа сезона во ова натпреварување учествуваат 36 екипи.

Во сменетиот формат на натпреварите на Лигата на шампиони, директен пласман во осминафиналето на ЛШ обезбедија Ливерпул, Барселона, Арсенал, Интер, Атлетико Мадрид, Баер Леверкузен, Лил и Астон Вила, екипи кои ги освоија првите 8 места по одграните 8 натпревари во оваа лига.

Тимовите кои според бодовното салдо ги освоија позициите од 9-тото до 24-тото место се Аталанта, Борусија Дортмунд, Реал Мадрид, Баерн Минхен, Милан, ПСВ, Пари Сен Жермен, Бенфика, Монако, Брест, Феенорд, Јувентус, Селтик, Манчестер Сити, Спортинг Лисабон и Клуб Бриж, и тие ќе играат во плејоф-фазата за пласман во осминафиналето на ЛШ. Од понатамошните натпревари се збогуваа екипите кои ги зазедоа од 25. до 36. место.

Првите натпревари од плејоф-фазата се закажани за 11 и 12 февруари, а реванш-средбите ќе се играат на 18 и 19 февруари.

- Во плејоф-фазата се среќаваат:

Клуб Бриж (Белгија) - Аталанта (Италија)

Спортинг Лисабон (Португалија) - Борусија Дортмунд (Германија)

Манчестер Сити (Англија) - Реал Мадрид (Шпанија)

Селтик (Шкотска) - Баерн Минхен (Германија)

Јувентус (Италија) - ПСВ (Холандија)

Феенорд (Холандија) - Милан (Италија)

Брест (Франција) - Пари Сен Жермен (Франција)

Монако (Франција) - Бенфика (Португалија).