Хрватска: Откажана денешната трка на „Снежната кралица“

ЗАГРЕБ (АА) - Втората слаломска трка за жени во Сљеме, Трофејот „Снежна кралица“, е откажана поради лошите услови на патеката, јавува Агенција Анадолија (АА).

„Поради високите температури и ветрот, денешната трка е откажана“, гласи краткото соопштение на организаторите.

Вчера се одржаа две слаломски трки во женска конкуренција, кои и покрај потешкотиите на патеката, беа успешно завршени на вештачкиот снег. По втората трка, на Сљеме по петти пат титулата „Снежна кралица“ ја однесе Американката Микаела Шифрин.

Температурите во Загреб и на Сљеме во последните недели се невообичаено високи за овој период од годината, а изостанаа и врнежите од снег.