Чеферин: Не е исклучено Лигата на шампиони да се игра и надвор од Европа

НИОН (АА) - Александер Чеферин, новиот претседател на Европската фудбалска федерација (УЕФА) не ја исклучи можноста некои од натпреварите, на пример, полуфиналето и финалето на Лигата на шампионите да се играат надвор од стариот континент, во земјите како што се Кина или САД, јавува Anadolu Agency (AA).

„Мислам дека тоа би можело да биде една од идеите во иднина, но за тоа мораме да разговараме. Патувањето од Португалија до Азербејџан е исто како да одите во Њујорк. За навивачите тоа не е проблем, но ќе видиме. Тоа е европски натпревар, па добро треба да се размисли“, британските медиуми ги пренесуваат зборовите на Чеферин во интервју за АП.

Една од идеите што се појави е натпреварите на полуфиналето да се играат во сабота наместо во средината на неделата, што би овозможило тие натпревари да ги гледаат и луѓето надвор од Европа.

„Треба да размислиме за другите пазари, но во овој момент не сум сигурен како тоа да го направиме. Кина е финансиски интересна, САД не само финансиски, фудбалот таму е се популарен. Постојат некои идеи полуфиналињата и финалињата да се играат во сабота. Тогаш Кина може да не спие бидејќи е сабота и можат да ги гледаат натпреварите. Но, постојат многу проблеми во врска со календарот на лигите. Некои национални лиги се премногу важни. Премиер лигата на Англија е исклучително силна. Тоа е само идеја и прерано е да се каже што и да е на таа тема“, смета Чеферин.

Првиот човек на УЕФА истакна дека е отворен за иновации во фудбалот и за евентуално придвижување на регионалните лиги, но во европската куќа на фудбалот. Според него, во таквите процеси на УЕФА мора да бидете вклучени, и дека такви натпревари не смеат да ги нарушат националните лиги, бидејќи според него, без нив не би постоел фудбалот.