„Turkish Cargo”, карго авиокомпанија на годината за подрачјето на Азија и Блискиот Исток

ИСТАНБУЛ (АА) - „Turkish Cargo“ е прогласена за карго авиокомпанија на годината, за подрачјето на Азија и Блискиот Исток, јавува Anadolu Agency (AA).

Од авиокомпанијата „Turkish Airlines” е соопштено дека со зголемувањето на превозот на товар во септември, од јануари до септември се пренесени 810.000 тони, што е за 27 отсто повеќе отколку во истиот период минатата година.

„Turkish Cargo“ веќе 33 години ги нуди своите услуги на подрачјето на Азија-Пацификот и на Блискиот Исток, а оваа година е прогласен за карго авиокомпанија на годината, најпрестижната награда што секоја година ја доделува медиумската куќа „Payload Asia“.

„Payload Asia“ е официјален орган на Федерацијата на азиско-пацифичките авиотоварни здруженија (FAPAA), а овогодишните добитници ги прогласи на церемонија на којашто присуствуваа уважени гости од сите делови на светот. Победниците беа избрани од страна на корисниците на услугите и од деловните партнери.

„Turkish Cargo“ ги нуди своите услуги во превозот на товар, на 72 дестинации во 60 земји, и поседува 16 карго авиони.