Балон на топол воздух со палестинска кефија се издигна над Кападокија во знак на поддршка за Палестина

НЕВШЕХИР (АА) - Балон на топол воздух украсен со препознатливата палестинска марама кефије - симбол на слободата, денес се издигна над Кападокија во Невшехир, Туркије, јавува Анадолу.

Настанот, организиран од Фондацијата за култура и цивилизација, претставуваше дел од специјална кампања за поддршка на палестинскиот народ.

Специјално дизајнираните балони, со својата симболика, пратија порака за солидарност со Палестинците, кои продолжуваат да се соочуваат со предизвици во борбата за своите права.

Инаку, во бруталните напади на израелската армија врз Појасот Газа од октомври минатата година се убиени над 44.000 Палестинци, од кои повеќето жени и деца.

Израел се соочува со обвиненија за геноцид пред Меѓународниот суд на правдата за неговите дејства во палестинската енклава.

Смртоносната офанзива на Израел предизвика многубројни реакции и протести низ светот, со повици за прекин на израелската офанзива што, покрај цивилните жртви, уништи и поголем дел од инфраструктурата на Газа.