Ердоган му се заблагодари на Путин за поддршката во гаснењето на шумските пожари

АНКАРА (АА) - Русија ќе ѝ испрати на Турција пет авиони и три хеликоптери за да помогнат во гаснењето на пожарите што беснеат во земјата, јавува Агенција Анадолија (АА).

Турскиот претседател Реџеп Таип Ердоган денеска оствари телефонски разговор со својот руски колега Владимир Путин, соопшти Кабинетот за комуникации при турското Претседателство.

За време на разговорите, Путин порачал дека Русија ќе ѝ пружи поддршка на Турција во борбата со пожарите и најавил дека на Турција ќе ѝ бидат ставени на располагање пет авиони „Илјушин-76“ со капацитет од 40 тони вода и уште три хеликоптери за гаснење на пожарите.

Путин упатил зборови на солидарност и поддршка за Турција во овие тешки моменти, за што претседателот Ердоган му се заблагодари.