Ердоган: Туркије ќе има збор за иднината на НАТО, како во минатото така и во сегашноста

АНКАРА (АА) - Турскиот претседател Реџеп Таип Ердоган изјави дека Туркије ќе има збор за иднината на НАТО како што имаше во минатото, така има и во сегашноста, јавува Агенција Анадолија (АА).

„Додека ја водиме нашата независна надворешна политика, ќе продолжиме да ги даваме потребните придонеси за НАТО во духот на Алијансата“, истакна тој во серијата твитови за Самитот на НАТО во Мадрид.

Ердоган посочи дека Самитот му дал „можност да се сретне со многу шефови на држави и влади“.

Турскиот претседател на маргините на Самитот имаше средби со лидерите на САД, Германија, Франција, Велика Британија, Шпанија, Холандија, Австрија и ЕУ.

„Дискусиите на состаноците главно се фокусираа на случувањата во Украина“, рече тој.

Ердоган го поздрави собирот на лидерите во Мадрид како „еден од најзначајните самити на НАТО во неговата историја“.

„Го одобривме Стратешкиот концепт, кој ќе го замени документот усвоен на Самитот во Лисабон во 2010 година и ќе ги постави идните перспективи на Алијансата“, додаде тој.