Избори во Туркије: Во Анкара гласаше Синан Оган, кандидат на Татковинската алијансa

АНКАРА (АА) - Синан Оган, кандидат на Татковинската алијанса за претседател на Туркије, денес гласаше во Анкара, јавува Анадолу.

Придружуван од сопругата Ѓокчен и децата Ѓоктурк и Зејнеп, тој пристигна во областа Чанкаја во Анкара, каде што ја изврши својата граѓанска должност.

Тој уште еднаш ги повика граѓаните да излезат на гласање и да гласаат.

„Поминете ги овие избори во празнично расположение, во мир, со среќа“, рече Оган.

Граѓаните на Туркије денес гласаат на претседателските и парламентарните избори, избирајќи меѓу тројца претседателски кандидати и 24 политички партии и 151 независен кандидат за Парламентот, кој има вкупно 600 пратенички места.

Право на глас на изборите имаат 64,11 милиони луѓе, а првпат ќе може да гласаат повеќе од 4,9 милиони турски граѓани.

Актуелниот претседател Реџеп Таип Ердоган, Кемал Киличдароглу и Синан Оган се кандидати за претседател на Туркије. Четвртиот кандидат Мухарем Инџе претходно ја повлече својата кандидатура.

Актуелниот претседател Ердоган е кандидат на Народната алијанса предводена од Партијата за правда и развој (АК Партија), на чие чело е тој. Киличдароглу е кандидат на опозициската Национална алијанса, предводена од Републиканската народна партија (ЏХП).

Оган е кандидат на Татковинска алијанса, додека Мухарем Инџе беше кандидат на неговата Партија Родина, пред да ја повлече својата кандидатура во четвртокот.