Петмина терористи на ПКК се неутрализирани во југозападна Турција

МУГЛА (АА) - Според полициски извори, петмина терористи на ПКК се неутрализирани денес, за време на антитерористичка операција во југозападната област Мугла во Турција, јавува Anadolu Agency (AA).

Анонимниот извор изјави дека е спроведена заедничка операција на полицијата и жандармеријата во подрачјето Којџегиз.

Изворот додаде дека во операцијата полесно е повреден еден турски војник.

ПКК, која се наоѓа на листата на терористички организации во Турција, САД и во ЕУ, ја продолжи својата оружена кампања против Турција во јули 2015 година.

Оттогаш во нападите на ПКК загинаа повеќе од 1.200 лица од безбедносните сили на Турција, како и цивили, вклучувајќи жени и деца.